rusiyening ukrainagha qilghan hujumliri jeryanida 313 bala qaza qildi
rusiyening ukrainagha qaratqan hujumlirida kem dégende 313 bala qaza qildi.
türkiye awazi radiyosi xewiri: ukraina bash teptish mehkimisi bayanat élan qilip, rusiye armiyesining ukrainagha qilghan hujumliri netijiside 313 balining qaza qilghanliqini, 579 balining yarilanghanliqini uqturdi.
ukraina bash teptish mehkimisining mezkur bayanatida, ukrainaning donétsik rayonidiki 291, xarkow rayonidiki 169, kiyéw rayonidiki 116, chérnixéw rayonidiki alte, luxansk rayonidiki 54, xérson rayonidiki 52, mikolayéw rayonidiki 48, zaporijya rayonidiki 30 we sumi rayonidiki 17 balining urushning tesirige uchrighanliqi otturigha qoyuldi.
bash teptish mehkimisi yene, rusiyening hujumliri netijiside ukrainadiki kem dégende 1885 maarip apparatining buzulghanliqini, 194 ining pütünley weyran bolghanliqini bildürdi.
bayanatta, bularning jezmleshken sanliq melumatlar emesliki, waqitliq ishghal qilinghandin kéyin azad qilinghan rayonlardiki tekshürüshlerning dawamlishiwatqanliqigha dair uchurlarghimu orun bérildi.
