wénézuélada tunji maymun chéchiki wirusi weqesi körüldi
jenubiy amérika qitesige jaylashqan wénézuélada tunji maymun chéchiki wirusi bilen yuqumlanghan kishining bayqalghanliqi xewer qilindi.
türkiye awazi radiyosi xewiri: wénézuéla sehiye ministirliqi twittér bétide, paytext karakastiki simon boliwar xelqara ayrodurumida qilinghan tekshürüshte maymun chéchiki wirusi bilen yuqumlanghuchining bayqalghanliqi bildürüldi.
bimarning derhal yéqin yerdiki doxturxanigha yatquzulghanliqi eskertilgen bayanatta: «ispaniye paytexti madridtin wénézuélagha kelgen bimar, barsélonada ikki kishi bilen uchrashqan» déyildi.
nahayiti az körülidighan késelliklerdin biri bolghan maymun chéchiki wirusi, kongo we gherbiy afriqa türi dep ikkige bölünidu.
wirusning kongo türi %10 giche ölüm xewpi peyda qilidu. gherbiy afriqa türining her ikkisidin biride %1 ölüm nisbiti bar. omumen qilip éytqanda, haywanlardin ademge we ademdin ademge yuqushi nahayiti az körülidighan wirus, adem bedinide qizzish we qichishish peyda qilidu.
