gérmaniyede wezipe ötewatqan bir amérika eskiride maymun chéchiki wirusi bayqaldi
amérika armiyesi yawropa qisimliri qomandanliq merkizi, gérmaniyening shtutgart bazisida turushluq bir amérika eskiride maymun chéchiki wirusi bayqalghanliqini uqturdi.
türkiye awazi radiyosi xewiri: amérika armiyesi yawropa qisimliri qomandanliq merkizi bayanatchisi polkownik bil spéks yazma bayanat élan qilip: «biz yéqinda shtutgart herbiy bazisida turushluq bir eskerde maymun chéchiki yuqturuwalghanliqini jezmleshtürduq. eskerning késilige shtutgar quruqluq armiye sehiye merkizide diyagnoz qoyulup dawalandi, bazida yalghuz halette turuwatqan eskerning salametilki eslige kelmekte» dégen ibarilerge orun bérildi.
spéks, u yerdiki eskerlerge xewp yétishning töwenlikini, bimarni dawalighan doxturlarningmu közitiliwatqanliqini qeyt qildi.
amérika armiyesining sahibxan döletning qanun - nizamlirigha emel qiliwatqanliqini bayan qilghan spéks: «stutgarttiki bayqalghan wariyant wirusning insandin insangha yuqush nisbiti töwen bolghan gherbiy afriqa wariyantidur» dégenlerni sözlirige ilawe qildi.
bu, amérika armiyesi sépidiki tunji maymun chéchiki diyagnozi bolup hésablinidiken.
