ursula fondérléyén: ukrainani qaytidin qurup chiqimiz
yawropa ittipaqi komitétining bashliqi ursula fondérléyén ukrainani qaytidin bina qilidighanliqlirini, buni qilishqa mejbur ikenliklirini we qilidighanliqlirini éytti.
türkiye awazi radiyosi xewiri: yawropa ittipaqi komitétining bashliqi ursula fondérléyén bir qatar uchrishishlarni ötküzüsh üchün yétip barghan italiye paytexti rimda, maksi (Maxxi) zamaniwi senet muzéyida bir paaliyetke qatnashti.
u: «mariyupol sheher bashliqi we ukrainaliq mimarlar bilen körüshimiz. ukrainani qaytidin qurup chiqimiz, buni qilishqa mejburmiz we qilimiz. chünki bu bizning exlaqiy mejburiyitimiz» dédi.
u ukrainani yéngidin qurushning, hayatliq saheliride yawropa yéshil kélishimini asas qilghan «yéngi yawropa bawxawus» rohigha uyghun bolushi kéreklikini eskertip, yawropa ittipaqining qayta ishletkili bolidighan énérgye menbeliri üstide ilgirilesh hasil qilishi kéreklikini bildürdi.
u: «rusiye iqtisadi gaz, néfit we kömürge tayinidu. bizmu yawropa ittipaqi bolush süpitimiz bilen zor nisbette tayinimiz. bu qorqunchliq urush sewebidin béqindiliqimizni azaytishni qarar qilduq. emdi biz choqum ilgirilishimiz, yéngi teminligüchilerge qarap qalmasliqimiz we qayta ishletkili bolidighan énérgiyege yüzlinishimiz kérek» dédi.
u paaliyetni axirlashturup, rim sheher bashliqi robérto gualtiyéri (Roberto Gualtieri) bilen tarixiy sheherlik binada körüshti.