biraziliyede tunji maymun weqesi körüldi
biraziliyening aséntiya brasil xewer agéntliqi (Agencia Brasil) saw pawlo shehiride bir kishining maymun chéchiki wirusi bilen yuqumlanghanliqini xewer qildi.
türkiye awazi radiyosi xewiri: biraziliye resmiy xewer agéntliqi aséntiya brasilning xewiride körsitilishiche, saw pawlo shehiride mushu heptining béshida maymun chéchiki wirusi gumani bilen doxturxanigha yatquzulghan bir kishide, wirusning bayqalghanliqi toghrilanghan.
portugaliye bilen ispaniyeni sayahet qilghan we karantin qilinghan 41 yashliq er kishining salametlik ehwalining yaxshi ikenlikini, uning bilen uchrashqan kishilerning közitish astida ikenliki eskertildi.
biraziliyede bügüngiche maymun chéchiki wirusi weqesige munasiwetlik sekkiz gumandarning barliqi qeyt qilindi.
latin amérikasidiki tunji maymun chéchiki weqesi 27-may (2022) argéntinada körülgen idi.
maymun chéchiki wirusining kongo we gherbiy afriqa türi bar. adette haywandin ademge we yéqin ariliqta ademdin ademge yuqushi nahayiti az körülidighan mezkur wirus, adem bedinide qizzish we qichishishlarni peyda qilidu.
