awstriyede bir jamening témigha islamgha qarshi yazmilar yézildi

türkiye awazi radiyosi xewiri: töwenki awistiriye ölkisige qarashliq sollénawdiki yéshil jame mesulliri teripidin élan qilinghan bayanatta, etigende kimliki namelum bir kishining jame jaylashqan yerge ruxsetsiz kirip, sirtqi tamlargha islamgha qarshi we irqchi sözlerni yazghanliqi bildürüldi.

bayanatta, islamgha qarshi hujumning eng küchlük eyiblengenliki we bu hujumning dölettiki barliq musulmanlargha shundaqla dini erkinlikke qilinghanliqi tekitlendi.

türkiyening wiyénnada turushluq bash elchisi ozan jeyhunmu bu hujumni eng küchlük eyibligenliklirini tilgha élip, bixeterlik qisimlirining weqeni aydinglashturush üchün tekshürüshni bashlighanliqi toghrisidiki uchurni hembehirlidi.

bash elchi jeyhun dairilerning hujum qilghuchini baldurraq tutidighanliqigha ishinidighanliqini bildürüp: «ümit qilimenki, bu weqe awstriyening ijtimaiy tinchliqigha buzghunchiliq qilidighan eng axirqi irqchiliq hujumi bolup qalghay» dédi.

türkiyening wiyénnada turushluq bash konsuli jefer özmert bolsa, jame jemiyitidin hal sorap ularni ziyaret qildi we hujumgha alaqidar tekshürüshlerde boldi.