engliye ukrainagha rakéta sistémiliri yardem qilidu
engliye ukrainagha yiraq musapiliq rakéta sistémiliri ewetidu. bu engliyening ukrainagha aprél éyidin (2022) buyanqi tunji qétim yiraq musapiliq rakéta sistémiliri ewetishi bolup hésablinidu.
türkiye awazi radiyosi xewiri: engliye dölet mudapie weziri bén walés (Ben Wallace) engliyening ukrainaning qolidikidin téximu yiraq musapiliq rakéta we ularni atidighan «M270» tipliq köp rakéta qoyup bérish sistémilirini ewetidighanliqini élan qildi.
u engliyening ukrainaning rusiyege qarshi kürishini qollaydighanliqini we qehriman eskerlirining dölitining ishghal qilinishigha qarshi küresh qilishi üchün barliq éhtiyajliq qorallar bilen yardem qilishta bashchiliq qilghanliqini bildürdi.
u: «rusiye taktikilirini özgertgenséri, bizning qollishimizmu özgirishi kérek» dédi.
u rakéta qoyup bérish sistémilirining, rusiye qisimlirining sheherlerni tüzliwétish üchün ayrip olturmastin yiraq musapiliq zembirekler bilen bombardiman qilishigha qarshi özlirini téximu yaxshi qoghdishigha yardem qilidighanliqini eskertti.
amérikamu buningdin ilgiri oxshash qoral sistémilirini ewetidighanliqini élan qilghan bolup, rusiye pirézidénti putin ukrainada yéngi nuqtilarni bombardiman qilidighanliqlirini uqturghan idi. mezkur bayanat élan qilinip köp waqit ötmestin, rusiye 5-iyunda ukraina paytexti kiyéwni aprél éyidin (2022) buyanqi tunji bombardimanini emelge ashurghan idi.
rusiye 24-féwral (2022) ukrainagha qarshi tajawuzchiiq urushini qozghighan bolup, qattiq qarshiliqqa duch kelgendin kéyin, kiyéw etrapidin chékinip, donbas rayonigha merkezleshken idi.
