jo baydin élon maskning iqtisad toghrisidiki sözlirige inkas qayturdi
amérika qoshma ishtatlirining pirézidénti jo baydin, téslaning bash ijraiye emeldari élon maskning iqtisadning kélechikidin ümidsiz ikenliki toghrisidiki sözlirige inkas qayturdi.
türkiye awazi radiyosi xewiri: amérika qoshma ishtatlirining pirézidénti jo baydin, téslaning bash ijraiye emeldari élon maskning iqtisadning kélechikidin ümidsiz ikenliki toghrisidiki sözlirige «men uning ay shari sepirining utuqluq bolushini tileymen» dep jawab berdi.
hepte axiri dem élish pursitidin paydilinip délawérge barghan pirézidént jo baydin tünügün emgekke orunlashturushqa munasiwetlik sanliq melumatlar toghrisidiki qarashlirini otturigha qoydi.
u, élon maskning tésla rehberlik qatlimigha éléktironluq mektup yollap, iqtisad toghrisida «héslirim nachar» dégenliki hemde shirketning emgek küchini %10 azaytidighanliqini éytqanliqi heqqidiki dewalargha munasiwetlik bir soalgha: «men uning ay shari sepirining utuqluq bolushini tileymen» dep jawab berdi.
élon mask pirézidént jo baydingha twittérdiki adrési arqiliq jawab qayturup, «rehmet sizge pirézidént» dep yézip, astigha amérika alem qatnishi idarisi – nasaning SpaceX ni amérikiliqlarni alem boshluqigha élip chiqish üchün tallighanliqi toghrisidiki xewerni chiqirip qoydi.
