zéléniskiy rusiyening 200 ming balini tutqun qilip qachurghanliqini ilgiri sürdi

türkiye awazi radiyosi xewiri: rusiyening 24 – féwral ukrainagha qarshi achqan urushi dawam qiliwatqan bir peytte,  ukraina pirézidénti zélénskiy yéngi bir bayanat élan qilip: «rusiye chonglarni we balilarni mejburiy élip kétiwatidu. bu rusiyening eng qebih urush jinayetlirining biri. rusiye urush bashlanghandin buyan ata - anisidin ayrilip yétim – yésirlar sanatoriyeliride turuwatqan 200 mingdin artuq ukrainaliq balini tutqun qilip qachurdi» dédi.

wiladimir zélénskiy rusiyening bu balilarni yurt – makanliridin mehrum qilip, yiraq rayonlargha orunlashturghanliqigha isharet qilip: «bu jinayet siyasitining meqsiti kishilerni tutqun qilip qachurushla emes, belki ulargha ukrainani unutturup, qaytip kélishining aldini élishtur» dégenlerni qeyt qildi.

zélénskiy, «tajawuzchilarning hujumi netijiside, urush bashlanghandin buyan 689 bala yarilandi. bu peqet bizning éniqliyalighanlirimiz. hazirche qolimizda ishghal qilinghan rayonlardin kelgen barliq  melumatlar yoq» dégenlerni sözlirige ilawe qildi.