maymun chéchiki wirusi 30 dölette 550 kishige yuqqan
dunya sehiye teshkilati yéqinqi heptilerde yawropa ittipaqi ezalirini öz ichige alghan nurghun döletlerde tarqiliwatqan maymun chéchiki wirusining, 30 dölette 550 kishige yuqqanliqini élan qildi.
türkiye awazi radiyosi xewiri: dunya sehiye teshkilatining diréktori tédros adxanom ghébréyésus (TedrosAdhanomGhebreyesus) jenwediki ishxanisida ötküzülgen muxbirlarni kütüwélish yighinida, 30 dölettin dunya sehiye teshkilatigha doklat qilinghan maymun chéchiki wirusigha munasiwetlik 550 weqeni toghrilighanliqlirini qeyt qildi.
u: «tekshürüshler dawamlishiwatidu, emma wirusning qisqa waqit ichide nurghun dölette bayqilishi, bayqalmighan yuqumlardin bésharet béridu» dédi.
u maymun chéchiki wirusigha munasiwetlik téximu köp weqening yüz bérishining perez qiliniwatqanliqini bildürüp, dunya sehiye teshkilatigha eza döletlerge, wirusning yuqush xetiri eng yuqiri bolghan guruppidiki kishilerni toghra melumatqa ige qilishni, ularning arisida wirus tarqilishining aldini élishni, wirusqa qarshi aldinqi septe küresh qiliwatqan sehiye xadimlirini qoghdashni we wirusqa munasiwetlik tetqiqatlarni chongqurlashturushni chaqiriq qildi.
