كۇۋەيت باش مىنىستىرى ۋە  كابېنىتىنىڭ ئىستېپانامىسى قوبۇل قىلىندى

تۈركىيە ئاۋازى رادىيوسى خەۋىرى: كۇۋەيت رەسمىي خەۋەر ئاگېنتلىقى KUNA نىڭ خەۋەر قىلىشىچە، باش مىنىستىر ۋە ھۆكۈمەتتىكى مىنىستىرلارنىڭ ئىستېپاسىنىڭ قوبۇل قىلىنغانلىقىغا دائىر قارارنامە ئېلان قىلىنغان.

قارارنامىدا، باش مىنىستىر ۋە باشقا مىنىستىرلارنىڭ يېڭى ھۆكۈمەت قۇرۇلغانغا قەدەر ۋەزىپىسىنى داۋاملاشتۇرىدىغانلىقى بىلدۈرۈلگەن.

باش مىنىستىر ھامىد 5-ئاپرېلدا (2022) پايتەختنىڭ جەنۇبىدىكى ھاۋالى ئۆلكىسىگە جايلاشقان بەيان سارىيىدا تەخت ۋارىسى شاھزادە شەيخ مەشەل ئەل ئەھمەد ئەل-جابىر ئەس-ساباھ بىلەن ئۇچرىشىپ، كابىنېتنىڭ ئىستېپانامىسىنى تاپشۇرغان.

خەۋەردە، ھۆكۈمەتنىڭ ئىستېپا بېرىشىدىكى سەۋەب توغرىسىدا ھېچقانداق مەلۇمات بېرىلمىدى.

پارلامېنتتا «ئاساسىي قانۇنغا خىلاپ قىلمىشلارنى سادىر قىلىش ۋە قانۇن چىقىرىش ئاپپاراتلىرى بىلەن ھەمكارلاشماسلىق» جىنايىتى بىلەن ئەيىپلىنىپ، پارلامېنتقا ئىشەنچسىزلىك ئىلتىماسى سۇنۇلغان باش مىنىستىر ھامىد تەخمىنەن بىر ھەپتىدىن كېيىن ئىستېپا بەرگەن ئىدى.