finlandiye natogha eza bolushning eng yaxshi chare ikenlikini bildürdi
finlandiye dölet mudapie komitéti kelgüsidiki dölet bixeterlikini kapalet astigha élish üchün eng yaxshi charining natogha eza bolush ikenlikini élan qildi.
türkiye awazi radiyosi xewiri: finlandiye dölet mudapie komitéti uzun waqittin buyan teyyarlawatqan finlandiyening natogha eza bolush éhtimali toghrisidiki tetqiqat doklatini hökümetke tapshurdi.
komitét bashliqi péttéri orpon (Petteri Orpon) bu heqte élan qilghan bayanatida, döletning mudapie nuqtisidin yaxshi ehwalda ikenlikini bildürüp: «mudapiemiz yaxshi, emma rusiyening tehditige qarshi yéterlik emes. bu sewebtin, kelgüside döletning bixeterlikini kapalet astigha élish üchün eng yaxshi chare natogha eza bolush» dédi.
finlandiye pirézidénti sauli ninsté (Sauli Niinistö) finlandiyening natogha eza bolush-bolmasliqigha munasiwetlik qararni 12-may (2022) élan qilidighanliqini uqturghan idi.
shiwétsiye dölet mudapie ministiri pétér hulkwist (Peter Hultqvist) shiwétsiye dölet radiyosi s r (SR) da bayanat élan qilip, shiwétsiye bilen finlandiye natogha eza bolghan ehwalda iskandinawiye arilining mudapiesining téximu küchiyidighanliqini bildürgen idi.
biraq u, 10-martta (2022) élan qilghan bayanatta, dölet mudapie ministiri bolup wezipe ötigen muddette shiwétsiyening natogha eza bolmaydighanliqini bildürgen idi.
