dunyada her yili haraqning ziyini sewebidin texminen 3 milyon kishi ölidu
dunyada her yili haraqning ziyini sewebidin ottura hésab bilen 3 milyon kishi ölidighan bolup, bu sanning %13.5 ining yashlardin terkib tapqanliqi bildürüldi.
türkiye awazi radiyosi xewiri: dunya sehiye teshkilati teripidin élan qilinghan «chégra halqighan bazar échish we élanni tengshesh arqiliq haraqning ziyinini azaytish» namliq doklatta, haraq ichishning ziyanliq tesiri we haraqning dunya miqyasida teshwiq qilinishining nachar ülge ikenliki tekitlendi.
doklatta, dunya miqyasida her yili texminen 3 milyon kishining haraqtin zeherlinip ölidighanliqi haraqqa munasiwetlik ölüm nisbitining dunyadiki omumiy ölüm nisbitning 5 pirsentini teshkil qilidighanliqi bildürüldi.
doklatta, her yili haraqqa munasiwetlik ölüsh nisbitining %13.5 ning 20 yashtin 39 yashqiche bolghan kishilerdin terkip tapidighanliqi otturigha qoyuldi.
doklatta yene mundaq déyildi:
«digital taratqularning omumlishishi haraqning dunya sehnisige tarqilishini asanlashturdi. bolupmu chong tiptiki tenterbiye paaliyetliride haraq mehsulatlirini teshwiq qilish köpeydi. bu dairide amérikidila 1996 – yilidin 2015 – yilighiche eng köp körülgen 100 kinoda dangliq markiliq haraq mehsulatliri tonushturuldi»
