élon mask: yaponiye yoqilidu
amérika tokluq aptomobil ishlepchiqarghuchi shirket tésla (Tesla) ning bash ijraiye emeldari élon mask (Elon Musk) künséri aziyiwatqan tughulush nisbitini eksige özgertelmigen ehwalda yaponiyening ilgiri-kéyin yoq bolidighanliqi toghrisida agahlandurdi.
türkiye awazi radiyosi xewiri: élon mask yaponiye kyodo agéntliqi twittér bétide élan qilghan «2021-yilida dölet nopusida rékort töwenlesh» serlewhilik xewerge inkas qayturdi.
u: «tughulush nisbitining ölüm nisbitidin éship kétishige seweb bolidighan özgirish bolmisa, yaponiye axirida yoqilidu» dédi.
aldinqi ayda élan qilinghan xewerlerde, yaponiye nopusining 2021-yili 644 ming kishi aziyip, 125 milyon 500 minggha chüshüp qalghanliqi, bu xil ehwalning uda 11 yil yüz bergenliki we buning 1950-yildin buyanqi eng chong töwenlesh ikenliki bildürülgen idi.
yaponiye hökümitining sanliq melumatlirigha qarighanda, bultur (2021) yaponiyede 831 ming bowaq tughulghan, 1 milyon 440 ming adem qaza qilghan.
eng yéngi sanliq melumatqa asaslanghanda, yaponiye nopusining %29 i 65 yash we uningdin yuqiri, %11.8 i bolsa 14 yash we uningdin töwen.
