G7 dölet guruhi xongkongning waliy saylimi mesiliside xitayni tenqid qildi
tereqqiy tapqan G7 dölet guruhining tashqi ishlar ministirliri béyjingni xongkong mesiliside engliye-xitay birleshme xitabnamesige we bashqa qanuniy mejburiyetlerge riaye qilishqa chaqirdi.
türkiye awazi radiyosi xewiri: amérika, gérmaniye, engliye, firansiye, kanada, italiye we yaponiyedin teshkil tapqan G7 dölet guruhining tashqi ishlar ministirliri xitayning xongkongda bixeterlik ishlirining sabiq mesuli jon li kachyuning waliyliqqa saylanghanliqi toghrisida bayanat élan qildi.
ministirlar xongkongda li famililikning waliyliqqa saylinishida rol oynighan sayllam komitéti ezalirining awaz tashlishida küchke ige 1 ming 426 awazning 1 ming 416 sige ériship xongkongning yéngi rehbiri bolghanliqini tenqid qildi we saylamgha «siyasiy köp xilliqqa we asasiy erkinliklerge qarshi qiliniwatqan hujum» dep baha berdi.
ministirlar yene, namzat körsitish basquchi we buning netijiside otturigha chiqqan wezipige teyinleshning, «xongkongluqlarning qanunluq wekillik qilish hoquqlirigha palta chapqanliqini tekitlidi.
bayanatta mundaq déyildi:
«mewjut namzat körsitish basquchi we buning netijiside otturigha chiqqan wezipige teyinlesh, omumiy saylam hoquqini qolgha keltürüsh nishanidin zor derijide chetnep, xongkongluqlarning qanunluq wekillik qilish iqtidarini téximu ajizlashturuwétidu. biz siyasiy we puqralar hoquqining bu xil muqim buzulushi we xongkongning yüksek aptonomiyesi mesiliside qattiq endishe qilimiz.»
ministirlar béyjingni engliye-xitay birleshme xitabnamesige we xongkongdiki bashqa qanuniy mejburiyetlerge riaye qilishqa, li famililikning xongkong asasiy qanuni teripidin qoghdilidighan asasiy hoquq we erkinliklerge hörmet qilishini we qanun bilen bashqurushni chaqiriq qildi
jon li merkiziy hökümetke yéqin siyasetchi bolup, ichki bixeterlik biyurokratliqidin kelgen. u 1997-yili engliye xongkongni xitaygha ötküzüp bergendin buyan, saqchiliqtin bash ijraiye emeldari bolghan tunji tunji kishi bolup qaldi.
