déngiz armiye eskerliri liwiye déngiz tewelikide bir top köchmenlerni qutquzuwaldi

türkiye awazi radiyosi xewiri:  türkiye dölet mudapie ministirliqi aqdéngizda liwiyening misrate shehiri déngiz tewelikide bir qolwaqta qapsélip qalghan 17 köchmenning qutquzuwélinghanliqini, bir köchmenning qutquzush ünüm bermey jénidin ayrilghanliqini élan qildi.

dölet mudapie ministirliqining bu heqtiki bayanatida bildüürlishiche, tünügün (2022-yili 6-may) türkiye déngiz armiyesining  t j g (TCG) gökcheada namliq herbiy paraxoti liwiyening misrate shehiri déngiz tewelikide bir qolwaqni bayqighan we qolwaqtiki 17 köchmenni qutquzuwalghan.

paraxottiki doxturlarning salametlik tekshürüshide 12 köchmenning salametlikining yaxshi ikenliki, töt köchmenning ehwalining éghir ikenliki otturigha chiqqan. bir köchmen bolsa, doxturlarning qutquzushi ünüm bermey jénidin ayrilghan.

köchmenlerning bangladishliq ikenliki we 10 kündin buyan déngizda qapsélip qalghanliqi qeyt qilindi.

köchmenlerning liwiyening homs portidiki munasiwetlik orungha tapshurup bérilgenliki eskertildi.