ashqun yehudiylar mesjidi eqsagha hujum qildi
yüzlerche ashqun yehudiylar israiliye saqchilirining hemrahliqida «israiliye qurulghan kün» ni tebrikleshni bahane qilip ishghal astidiki sherqiy quddusqa jaylashqan mesjidi eqsaning hoylisigha bésip kirdi.
türkiye awazi radiyosi xewiri: ashqun yehudiylar mesjidi eqsagha bésip kirishtin ilgiri, etrapqa onlarche israiliye saqchisi orunlashturuldi. pelestinliklerning mesjidi eqsagha kirishige ruxset qilinmidi.
israiliye saqchiliri hujum esnasida mesjidi eqsada ibadet qiliwatqan pelestinlik musulmanlarni urup, qolgha élishqa urundi.
israiliye küchliri, inadet qiliwatqan pelestinliklerge yash aqquzush bombisi we kawchuk oqlarni ishlish arqiliq mudaxile qildi, pelestinlikler bolsa buninggha shuarlar bilen jawab qayturdi.
israiliye saqchiliri köp sandiki kishini zorluq bilen ichide ibadet qiliwatqanlar bar bolghan mesjidi eqsagha solidi, andin mesjidi eqsaning ishiklirige qulup saldi.
ashqun yehudiylarning israiliye eskerlirining hemrahliqida mesjidi eqsagha hujum qilishi, etraptiki musulman yashlarni bir yerge jem qildi. yashlar mesjidi eqsa üchün shoarlarni towlidi.
israiliyelik ashqun yehudiy köchmenler teshkilatliri, «israiliye qurulghan kün» ni tebriklesh munasiwiti bilen mesjidi eqsagha bésip kirip, mesjidi eqsada israiliye bayriqini échish we milliy naxshilarni éytish chaqiriqida bolghanidi.
buninggha jawab teriqiside, pelestinlik kishilik hoquq paaliyetchiliri bilen ölimalar, pelestinliklerni mesjidi eqsani téximu ziyaret qilishqa we mesjidi eqsagha toplinishqa chaqirghanidi.
