amérika musteqil taratqu organlirigha yardem qilidu
amérika tashqi ishlar ministiri antoni blinkén xelqaraliq sehnilerde iqtisadiy qiyinchiliqqa yoluqqan musteqil taratqu organlirigha biwaste iqtisadiy yardem qilidighanliqlirini bildürdi.
türkiye awazi radiyosi xewiri: amérika tashqi ishlar ministiri antoni blinkén dunya axbarat erkinliki künide, paytext washingtondiki chet el axbarat merkizide muhim bayanatlarni élan qildi.
u axbaratning bolupmu jeng meydanliridiki xizmet sharaitlirining intayin qiyin ikenlikini bildürüp, amérikaning iqtisadiy qiyinchiliqqa duch kelgen musteqil taratqulargha yardem qilghanliqini, oxshash waqitta yene, tenqid sewebidin üstidin erz qilinip, naheq halda hujum nishanigha aylanghan muxbirlargha we xewer organlirigha iqtisadiy yardem qilghanliqinimu eskertti.
xitayning yuqiri téxnikilardin muxbirlarni parakende qilish, nazaret qilish, zériktürüsh we tehdit sélish qatarliq ishlar üchün paydiliniwatqanliqidin chongqur endishe qiliwatqanliqlirini, rusiyeningmu axbarat erkinlikini we tinchliqperwer siyasiy paaliyetlerni hujum nishani qiliwatqanliqini tekitlidi.
u: «rusiyeni zorawanliqni meqset qilmighan teshkilatlar we bashqa jaylardiki kishilerge oxshash erkin pikir bayan qilish hoquqigha ige bolghan rus xelqini süyiistémal qilishni, diktator tüzümni axirlashturushqa chaqirimiz. ularningmu ortaq meqsetler üchün tinchliq usulda yighilish erkinliki, pikir erkinliki, awazini ochuq-ashkara we adil bolghan saylamlarda chiqirish hoquqi bar» dédi.
