birma soti ang san suchi üstidin hökmini élan qildi

türkiye awazi radiyosi xewiri: birma herbiy soti bügüngiche 11 qétim chiriklik jinayiti bilen eyiblengen ang san suchi üstidin tunji qararini élan qildi.

birmada texttin chüshürülgen rehber ang san suchi 600 ming dollar neq pul we altun para élish bilen eyiblinip, besh yilliq qamaq jazasigha höküm qilindi.

ang san suchi üstide 10 ayrim chiriklik tekshürüshi bar. 76 yashliq ang san suchi qanunsiz simsiz téléfon import qilish we simsiz téléfon saqlash, xelqni isyan qilishqa küshkürtüsh, wuxen wirusi (Kovid-19) tedbirlirige xilapliq qilish qatarliq jinayetler bilen eyiblinip, alte yilliq qamaq jazasigha höküm qilinghan idi.

ang san suchining herbiy özgirish netijiside hakimiyet béshigha chiqqan hökümetning hemme eyibleshliri bilen jaza bérilgen ehwalda, 175 yilghiche bolghan qamaq jazasigha höküm qilinish mumkinliki qeyt qilindi.

birma armiyesi 2020-yili ötküzülgen saylamda saxtipezlik qilinghanliqining ilgiri sürülüshi bilen dölette jiddiychilik kücheygendin kéyin, 2021-yili 1-féwral hakimiyetni ötküzüwalghan we döletning emeliyettiki rehbiri, shundaqla tashqi ishlar ministiri ang san suchini asas qilghan halda nurghun emeldarlarni hemde partiye rehberlirini qolgha élip, bir yilliq jiddiy halet élan qilghan idi.

birma armiyesining herbiy özgirishke qarshi chiqqan namayishchilarni we isyanchi qoralliq guruppilarni basturush herikitide, bügüngiche 902 kishi jénidin ayrildi, minglarche namayishchi tutuldi.

siyasiy mehbuslargha yardem qilish teshkilatining melumatlirigha asaslanghanda, herbiy özgirishtin buyan texminen 1400 din artuq kishi jénidin ayrilghan, 10 mingdin artuq kishi qolgha élinghan.