süriyeni qollash yighini biryussélda chaqirilidu
6-qétimliq süriyeni qollash yighini 9-10-may künliri bélgiyening paytexti biryussélda ötküzülidu.
türkiye awazi radiyosi xewiri: yawropa ittipaqi komissiyoni bayanatchisi pétir stano, «süriye we rayonning kelgüsini qollash» namliq 6 – nöwetlik biryussél yighinining 9-, 10- may künliri ötküzülidighanliqini, yighingha hökümet, xelqaraliq, rayonluq teshkilatlar we puqralar jemiyetlirining wekillirining qatnishidighanliqini bildürdi.
yighinning xelqara jemiyetning süriye xelqi we ulargha yardem qilidighan döletlerge bergen wedilirini eslitish pursiti bilen teminleydighanliqigha isharet qilghan stano, yighinning yene, süriyeliklerning awazini anglitishi üchünmu bir purset ikenlikini qeyt qildi.
mezkur yighinlarni yawropa ittipaqi bilen birleshken döletler teshkilati (b d t) birlikte uyushturup kéliwatqan bolup, ishtirakchi döletler iqtisadiy yardem béridighanliqi toghrisida wedilerni béridu.