pakistanning birleshme hökümiti wezipisini bashlidi
pakistanda bash minstir shahbaz sherifning birleshme hökümiti qesem qilip wezipe tapshuruwaldi.
türkiye awazi radiyosi xewiri: paksitan taratquliridiki xewerlerde bildürülishiche, qesem bérip wezipe tapshuruwélish murasimigha, pakistan pirézidénti arif alwining salametlikining yaxshi emesliki sewebidin pirézidént wekili we kéngesh palatasining bashliqi muhemmed sadiq sanjrani riyasetchilik qilghan.
pirézidéntliq sariyida ötküzülgen murasim, quran kerim tilawiti bilen bashlandi.
murasimda, muhemmed sadiq sanjrani oqughan qesem tékstini egiship oqughan birleshme hökümet ezaliri, wezipisini resmiy bashlidi.
xewerlerde, eslide tünügün (18-aprél) murasimning pirézidént arif alwining salametliki sewebidin bügünge (19-aprél) kéchiktürülgenliki ilgiri sürüldi.
pakistan yéngi kabéntida 31 fédératsiye ministir, üch muawin ministir bar. kéyinki künlerde kabéntning kéngeytilidighanliqi qeyt qilinmaqta.
