xitay we rus ayropilanlirining jenubiy koréye hawa tewelikige kirgenliki ilgiri sürüldi
rusiye we xitay urush ayropilanlirining ötken ayda jenubiy koréye hawa mudapie we perqlendürüsh rayonigha kirgenliki bildürüldi.
türkiye awazi radiyosi xewiri: yonxap xewer agéntliqi, jenubiy koréyelik bir emeldarning, 24-mart rusiyening ikki urush ayropilanining koréyening ulléng arili hawa tewelikide yérim saet etrapida uchqanliqini éytqanliqini xewer qildi.
xitayning bir herbiy ayropilaniningmu jenubiy koréyening jenubidiki io ariligha yéqin «adiz»gha kirgenlikini bildürgen mezkur emeldar, bu rayonning jenubiy koréye bilen xitayning hawa mudapie perqlendürüsh rayoni özara tutishidighan jay ikenlikini éytti.
xelqara qanunlarda éniqlimisi bolmighan we héchqandaq xelqaraliq organ teripidin kontrol qilinmaydighan hawa mudapie we perqlendürüsh rayoni (adiz) adette döletler teripidin bir tereplime halda élan qilinidu.
perqlendürüsh rayoni döletning békitilgen hawa boshluqigha xilapliq qilish niyiti bolmighan yoluchilar ayropilanlirini öz ichige almaydu, emma bu rayongha kirgen herbiy ayropilanlar yoshurun tehdit dep qarilip agahlandurulidu.
