amérikada türkiyelik bir yash irqchilarning hujumigha uchridi
amérikaning nyuyork shehiride kimliki éniqsiz bir kishi türkiye puqrasi bir yashqa «türk bolghanliqi üchün» pichaqliq hujum qildi.
türkiye awazi radiyosi xewiri: nyuyork saqchi idarisi tiwittérdiki adrésida, hujumning 4 - ayning 15- küni manxattanda yüz bergenliki toghrisidiki uchurni we hujumchining süritini hembehrilidi.
arqidin saqchilar bayanat élan qilip, namelum bir kishining türkiye qarshi sözlerni qilghandin kéyin, 24 yashliq bir erning kökrikige pichaq tiqqanliqini uqturdi.
bayanatta, hujumgha uchrap doxturxanida balnistqa élinghan kishining kimliki ashkarilanmighan bolsimu, «kündilik xewerler> namliq tor bétining xewirige qarighanda, saqchi dairiliri, hujumchining weqeni sadir qilishtin burun, 24 yashtin türk yaki emeslikini sorighanliqini, andin «men türklerni öch körimen» dep hujumgha ötkenlikini bildürgen.
yerlik taratqularda élan qilinghan bir sin körünüshidimu, hujumgha uchrighan kishining «türk bolghanliqi üchün pichaqlanghanliqi» uchuri orun aldi.
jinayet gumandari heqqide uchur bilen teminligüchilerge 3500 dollarghiche mukapat bérilidighanliqini élan qilghan nyuyork saqchi idarisi, weqe toghrisida öchmenlik jinayiti tekshürüshi bashlidi.
