«istanbul basquchi ukrainada tinchliq ornitish üchün eng yaxshi purset»
awstriye bash ministiri karl néhammér istanbul basquchining ukrainada tinchliq ornitish üchün eng yaxshi purset ikenlikini éytti.
türkiye awazi radiyosi xewiri: awstriye bash ministiri karl néhammér, jumhur reis rejep tayyip erdoghan bilen téléfonda körüshkendin kéyin, ammiwi ortaqlishish tor béti Twitter sehipiside élan qilghan bayanatida, téléfon söhbitide, özining moskwa ziyariti heqqide jumhur reis erdoghangha melumat bergenlikini tekitlep mundaq dédi: «istanbul basquchi ukrainada tinchliq ornitish üchün eng yaxshi pursettur, bu heqte bizning qarishimiz jumhur reis erdoghanningki bilen oxshashtur. shuni alahide tekitlep ötimenki, awstriye emdi aktip biterep siyasetliri bilen her daim tinchliqqa töhpe qoshidu.»
awstriye bash ministiri karl néhammér, 9 – aprél küni ukrainaning paytexti kiyéwgha qilghan ziyariti dairiside türlük uchrishishlarda bolghan, buchani öz ichige alghan urush dawamlishiwatqan jaylarni közdin kechürgenidi.
u, kiyéw ziyaritidin kéyin, 11 – aprél küni moskwagha yétip bérip, rusiye pirézidénti wiladimir putin bilen bir yerge jem bolghanidi, hemde putin bilen élip barghan uchrishishining qiyin sharait astida ötkenlikini éytqanidi.
