niyu york métrosi hujumining gumandari sotlandi
amérikaning niyu york shehiri métrosida yüz bergen qoralliq hujumning gumandari süpitide qolgha élinghan frank jéymés (Frank James) ni sotlash bashlandi.
türkiye awazi radiyosi xewiri: niyu york shehiride tutulghan 62 yashliq frank jéymésning birinchi qétimliq sotida, métro hujumini qilghanliqini ispatlaydighan delillerning küchlük bolushi sewebidin tutup turulush jeryanida sotlinishi we kapalet bedili belgilenmeslikke höküm qilindi.
muawin bash teptish sara k. winik (Sara K. Winik) uzun waqit teyyarliq qilinghan dep qariliwatqan weqe heqqide: «jinayetchi hujumni aldin pilanlighan. pütkül sheherde térrorluqning yüz bérishige seweb boldi» dédi.
hujumgha munasiwetlik nahayiti köp ispatlarning barliqi, jéymésning banka karti, yanfoni we ijarige alghan minbusning achquchining neq meydanda tépilghanliqi, uning hujumda ishletken tapanchini 2011-yili oxayodiki qanunluq qoral sétish ornidin sétiwalghanliqi qeyt qilindi.
niyu yorkta 12-aprél (2022) bruklin métro békitide yüz bergen hujumda, oqta yarilanghan 10 kishini qoshqanda 30 gha yéqin kishi yarilanghan idi.
weqedin kéyin qachqan jinayet gumandari frank jéymés tünügün (14-aprél) chüshte menxattonda tutulghan idi.
