néxammér rusiye ziyariti toghrisida erdoghan qatarliq rehberlerni waqiplandurghanliqini bildürdi
awistiriye bash ministiri karl néxammér, rusiye prézidénti wiladimir putin bilen körüshüsh üchün moskwagha baridighanliqidin jumhur reis rejep tayyip erdoghan qatarliq rehberlerni waqiplandurghanliqini bildürdi.
türkiye awazi radiyosi xewiri: karl néxammér twittérdiki adrésida bayanat élan qilip, özining ukraina prézidénti wolodimir zélénskiy bilen ötküzgen tünügünki söhbiti we bügünki rusiyege qaritidighan ziyariti heqqide melumat berdi.
paytext moskwagha bérip wiladimir putin bilen körüshidighanliqini bildürgen bash ministir néxammér, awstriyening biterep dölet ikenlikini, emma rusiye achqan urushqa qarshi ukraina bilen bir septe turush « pozitsiyesining éniq» ikenlikini otturigha qoyup: «(urush) toxtitishi kérek. insanperwerlik yardem karidorining échilishi we urush jinayetlirini aydinglashturush üchün urush toxtitish kérek» dégenlerni qeyt qildi.
moskwa ziyariti heqqide yawropa ittipaqi komitéti reisi ursula won dér léyén we yawropa kéngishi reisi charléz mishélni waqiplandurghanliqini bildüren néxammér, jumhur reis rejep tayyip erdoghan bilen ukraina pirézidénti zélénskiyningmu uchrishishtin xewerdar ikenlikini bildürdi.
u, 24- féwral rusiye - ukraina urushi bashlanghandin buyan putin bilen yüzturane körüshken tunji yawropa hökümet bashliqi bolidu.