ukraina rus eskerlirining luxanisktin yiraqlashturulghanliqini uqturdi
ukraina dölet mudapie ministirliqi, luxansk rayonida rusiye qisimlirining bir nechche kilométir yiraqliqta chékindürülgenlikini bildürdi.
türkiye awazi radiyosi xewiri: ukraina dölet mudapie ministirliqi, luxansk rayonida rusiye qisimlirining bir nechche kilométir yiraqliqta chékindürülgenlikini, chérnigéw rayonidiki grémyach yézisining azad qilinghanliqini bildürdi.
bayanatta, ukraina alahide qisimlirining, rusiye qisimlirining ishlitishke bolidighan bir qanche hawa mudapie sistémisini qolgha chüshürgenliki dair uchurlargha orun bérildi.
bu jeryanda, ukraina muawin bash ministiri irina wéréshchuk, tünügün insaniy yardem karidorliri arqiliq yene 4676 puqraning bixeter rayonlargha tarqaqlashturulghanliqini bildürdi.
rusiye armiyesining qamili astidiki mariypol we bérdyansktin 2525 puqraning aptobus we öz mashiniliri bilen zaporojyagha ötkenlikini eskertken wéréshchuk, luxansk ölkisining oxshimighan sheherliridin kelgen 1420 kishining bixeter rayonlargha yétip kelgenlikini éytti.
yene bir tereptin dunya sehiye teshkilati, rusiyening hujumliri dawam qiliwatqan ukrainadiki sehiye merkezlirige qaritilghan hujum sanining 100 din éship ketkenlikini uqturdi.
teshkilatning bu heqtiki yazma bayanatida, urush bashlanghan 24 – féwraldin buyan sehiye merkezlirige 103 qétim hujum qilinghanliqini, bu hujumlarning 89 ining sehiye merkezliri binalirigha, 13 ining qutquzush mashinisi we dawalash tiransport mashinilirigha tesir körsetkenliki qeyt qilindi.