ukrainadiki musulmanlar ramizan éyigha urushning kölenggisi astida kirdi

türkiye awazi radiyosi xewiri: ukrainada yashawatqan texminen bir milyon musulmanning bu yilqi ramizan éyini cheksiz hayajan ilkide kütüwélish xushalliqi yérim qaldi.

ukraina miqyasida élan qilinghan «urush haliti» sewebidin, bu dölettiki jamelerde ramizan éyining tunji terawih namizini oqush mumkin bolmidi.

jamelerde «iptar chédirliri» bolsa peqet hujumlar téximu az meydangha kélidighan gherbtiki sheherlerdila qurulidu.

ukraina musulmanliri diniy ishlar bashqarmisining muptisi seid ismagilow, bu dölettiki urush sewebidin, bu yil ramizan éyini cheklik shert -  sharaitlar astidila ötküzüshke mejbur ikenliklirini, rus eskerlirining qoligha ötüp ketken rayonlarda qattiq toqunushlarning yüz bériwatqanliqini, hazirghiche 3 jamening ziyangha uchrighanliqini eskertish bilen bir waqitta, bu ramizanda jamelerde terawiz namizi oqushning mumkin bolmaydighanliqini, ukrainaning gherbige jaylashqan sheherlerdiki jamelerning, qattiq toqunushlar dawamlishiwatqan rayonlardin tarqaqlashturulghan musulmanlar bilen tolup ketkenlikini tekitlep mundaq dédi: «ishghal qilinghan rayonlardiki jameler xarab boldi, insanlar intayin nachar  sharait astida yashawatidu, ichimlik süyi we asasliq yémek – ichmekler yoq. paytext kiyéwda bolsa köpinchisi ukraina armiyesi ichide rusiyege qarshi urush qiliwatqan musulman eskerlerla qaldi. sheherde kochigha chiqish cheklimisi sewebidin, jamelerde herqandaq bir ramizan pirogrammisi pilanlanmidi.»

rusiye armiyesi, 24 – féwral küni ukrainagha herbiy heriket qozghighanidi.