daniyede iranliq panahlanghuchi ayal saqchilarning zorawanliqigha uchridi
daniyede 2 balisi bilen qoshup chégradin qoghlap chiqirilmaqchi bolghan iranliq bir ayalgha saqchilar teripidin zorluq ishlitilgenliki we mejburiy shekilde mes qilish okuli urulghanliqi qattiq naraziliq qozghidi.
türkiye awazi radiyosi xewiri: daniyediki köchmenler géziti «Vinkel360» ning xewer qilishiche, léjré shehirige qarashliq xwalsö yézisidiki panahlanghuchilar öyi awnstropta turuwatqan iranliq bir ana 2 balisi bilen bille chégradin qoghlap chiqirilghan we bu jeryanda saqchilarning zorawanliqigha uchrighan.
daniyede ikki balisi bilen 7 yildin buyan yashawatqan iranliq ayalni deslepte 4 neper puqrache kéyingen saqchi bolishigha dumbalighan, andin ayalning üstide olturup, uninggha mes qilidighan okul urghan.
ayal okulning tesiri bilen tinichlanghandin kéyin iran ayropilanigha olturghuzup chégradin qoghlap chiqirilghan.
daniyening süriyelik panahlanghuchilargha yürgüzgen «xususiy nersilirini musadire qilish» belgilimisini ukrainaliq panahlanghuchilargha yürgüzmeydighanliqini élan qilishimu qattiq naraziliq qozghidi.
dölet téléwiziyesi «DR», 2015-yili daniyege kelgen süriyelik panahlanghuchilarning yollarda yüzlirige tükürülgenliki, aghzaki hujumgha uchrighanliqi we 2016-yildin kéyin xususiy nerse kéreklirining musadire qilinghanliqi terepke diqqetni tartip, ukrainaliq panahlanghuchilar üchün alahide qanunlarning chiqirilghanliqini xewer qildi.
