amérika: rusiyege yardem qilip qalsa bedilini töleydighanliqini xitaygha yetküzduq
amérika tashqi ishlar ministirliqi bayanatchisi néd prays, xitayning rosiye-ukraina urushigha alaqidar meydanigha héchqandaq baha bermeydighanliqini, emma özlirining bu mesilidiki pozitsiyesini xitay terepke éniq shekilde yetküzgenlikini éytti.
türkiye awazi radiyosi xewiri: prays kündilik axbarat élan qilish yighinida, amérika wekillirining italiyening paytexti rimda xitay diplomatliri bilen körüshüp, <ukrainagha urush achqanliqi üchün rusiyege yürgüzülgen jazalarning ornini béyjing hökümitining toluqlash mumkinilikidin endishe qiliwatqanliqi>ni, bundaq ehwalda xitaygha éghir bedellerning töletküzülidighanliqini bildürgenlikini qeyt qildi.
néd prays, xitay yuqiri derijilik wekilliri bilen ötküzülgen uchrishishning sewebining alaqe yollirini ochuq qaldurush ikenlikini bildürdi.
nurghun döletlerning ukrainani qollaydighanliqini jakarlap, rusiyening hujumlirigha qarshi chiqqanliqigha isharet qilghan prays, emma bu heqte xitayning éniq bayanat bermigenliki yaki pozitsiye bildürmigenlikini eskertip: «biz xitaygha rusiyening pul-muamile we iqtisadiy ziyinining ornini toldurush yaki rusiyening urushini maddiy jehettin qollashqa urunushidin ensireydighanliqimizni, bundaq ehwalda peqet amérikala emes, dunyaning herqaysi jayliridiki shérik we ittipaqdashlirimiz teripidin éghir bedeller töletküzülidighanliqini éniq bildürduq» dédi.
