dunya sehiye teshkilati rus waksinisi «siputnik V»ni bahalash xizmitini kéchiktürdi
dunya sehiye teshkilati rusiye-ukraina urushi sewebidin rusiyening kowid-19 gha qarshi tereqqiy qildurghan waksinisi siputnik V ni bahalash xizmetlirining kéchiktürülgenlikini uqturdi.
türkiye awazi radiyosi xewiri: dunya sehiye teshkilatining waksina mutexessisi doxtur mariangéla simaw teshkilatning jenwediki bash orginida ötküzülgen muxbirlarni kütüwélish yighinida muxbirlarning soallirigha jawab bérip, siputnik V ning jiddiy ishlitilishi toghrisida qarar chiqirish üchün dunya sehiye teshkilati wekiller ömikining 7-mart ishqa ashurushni pilanlawatqan rusiye ziyaritini kéchiktürgenlikini, «bahalash ziyaritining yéngi waqtining eng qisqa ichide békitilidighanliqi»ni otturigha qoydi.
dunya sehiye teshkilati ötken yili siputnik V niing jiddiy ishlitilishini testiqlashni oylishiwatqanliqini uqturghanidi.
jiddiy ishlitilishi testiqlanghan teqdirde, rusiyening siputnik V waksinisi ottura we töwen kirimlik döletlerni waksina bilen teminlesh pirogrammisi COVAX gha kirgüzületti.
rusiye armiyesining 24-féwral ukrainagha bésip kirip, ishghal herikitini bashlishidin kéyin, moskwa hökümitige qarshi jazalar yürgüzülgenidi.
