tötinchi «kowid – 19» waksinasi shert»
amérika dora shirkiti pifizérning bash ijraiye emeldari doktor albért borla «kowid – 19» yuqumigha qarshi tötinchi waksinaning shert ikenlikini éytti.
türkiye awazi radiyosi xewiri: borla, amérika qoshma ishtatliridiki bir téléwiziye qanilining ziyaritini qobul qilghanda bergen bayanatida, «kowid – 19» waksinasini her yili xuddi tarqilishchan zukam waksinasigha oxshash emlitish kérek dep qaraydighanliqini tekitlep mundaq dédi: «biz üchinchi kücheytküchi waksina arqiliq qoghdinish eslide doxturxanida yétish ehwalliri we ölümlerge nisbeten xéli yaxshi, emma hazir tötinchi kücheytküch waksina shert.»
«kowid – 19» waksinalirining uzun muddet yuqumlinishqa qarshi turushta ünümlük emeslikini eskertken borla, «kowid – 19» yuqumining omikronni öz ichige alghan barliq wariyantlirigha qarshi kem dégende bir yil ishlitishke bolidighan waksina tetqiq qilip yasash paaliyetlirini dawamlashturuwatqanliqlirinimu sözlirige ilawe qildi.
