lukashénko bélarusiye armiyesining jengge qatnashmighanliqini bildürdi

türkiye awazi radiyosi xewiri: lukashénko musteqilliq sariyida herbiy emeldarlar bilen jiddiy yighin achti؛ bügün etigende ukraina chégrasining bélarusiye qollighan rus armiyesining hujumigha uchrighanliqi toghrisidiki xewerlerni körgenlikini tilgha alghan lukashénko: «bizning herbiy qisimlirimiz (ukrainadiki) bu heriketke qatnashmidi» dédi.

lukashénko, buningdin ilgiri ukrainani agahlandurghanliqini xatirilitip, her ikki terepning qan tökülüsh we urushning aldini élishning yollirini izdishi kéreklikini tekitlidi.

ukraina bilen rusiyeni miniskida söhbet ötküzüshni tewsiye qilghan lukashénko: «biz silawiyanmiz, üch silawiyan xelqimiz. söhbetlishish arqiliq teqdirimizning menggülük kelgüsini belgilieyli. eger men (ukraina pirézidénti wiladimir) zélénskiy bolghan bolsam, bu (pikir)ni yaqlayttim. (rusiye pirézidénti wiladimir) putin, <biz tajawuzchi emes, biz ukrainani ishghal qilmaymiz> dewatidu. silerge yene néme lazim? bu söhbetlerning asasidur» dégenlerni qeyt qildi.