natoning su asti mudapie manéwiri bashlandi

türkiye awazi radiyosi xewiri: nato qomandanliq ishtabi «2022-dinamik manta» su asti manéwirining bashlanghanliqi toghrisida yazma bayanat élan qildi.

 bayanatta: «2022-dinamik» manéwirining, türkiyeni öz ichige alghan toqquz ittipaqdash döletning herbiy paraxotliri, su asti paraxotliri we ayropilanlirining, su asti mudapiesi we su üsti urushigha teyyarliq qilish ramkisida, aqdéngizda toplanghanliqi eskertildi.

mezkur manéwirning, natoning her yili pilanliq halda italiyede ötküzülüwatqan ikki chong su asti herbiy manéwirining biri ikenliki qeyt qilindi.

manéwirgha sahibxanliq qilidighan italiyening déngiz armiye qomandanliq ishtabining yazma bayanatida, manéwirning natoning su asti mudapie urushigha munasiwetlik taktiklirini tereqqiy qildurushigha imkaniyet yaritip béridighanliqi eskertildi.

bayanatta, ilgiriki yillarda «Dog Fish», «Proud Manta» dep atalghan manéwirning her yili pilan boyiche ötküzülüwatqanliqi we sherqiy yawropadiki mewjut ehwalgha munasiwetlik emesliki bildürüldi.

türkiye bu qétimqi manéwirgha, t j g-göksu (F-497) paraxotini qatnashturidu.

manéwir 4-martqiche (2022) dawamlishidu.