yaponiyede 134 nöwetchi ayropilan we 683 nöwetchi poyiz qatnashtin toxtidi
yaponiyeni tesiri astigha alghan shiddetlik qar yéghishi sewebidin 134 nöwetchi ayropilan we 683 nöwetchi poyiz qatnashtin toxtidi.
türkiye awazi radiyosi xewiri: yaponiyening bir qisim sheherliride oqu – oqutush ishliri waqtinche toxtitildi.
xokkaydo we sherqiy shimaldiki toku rayonida tünügün kechte bashlanghan shiddetlik qar we shiwirghan turmushqa éghir tesir körsetti.
tömür yol shirkiti «JR» cheklik sandiki téz poyizlarnimu öz ichige alghan 683 nöwetchi poyizning toxtitilghanliqini, awiatsiye shirketliriningmu xokkaydoda 134 nöwetchi ayropilanning qatnishini emeldin qaldurghanliqini élan qildi.
témpératura nöldin töwen 10 sélsiye gradusqa chüshüp qalghan xokkaydoda abashiri, monbétsu we kitami shehiri bilen tokoro yézisidiki bashlanghuch we ottura mekteplermu uqu - oqutush ishlirini waqitliq toxtatti.
yaponiye météorologiye idarisi (JMA) shiddetlik qar we shiwirghanning charshenbe küni etigengiche dawamlishidighanliqini mölcherligenlikini élan qildi.
mutexessisler nigata ölkiside qarning qélinliqi 80 santimétirgha, xokkaydo we nagano ölkiliride 50 santimétirgha yétishi mumkinlikini heqqide agahlandurush élan qilip, xeterlik rayonlarda yashaydighan ahalilerni muhim bolmighan sayahetlerdin saqlinishqa chaqirdi.
