ukraina, engliye we polsha rusiyege qarshi ittipaqlashti

türkiye awazi radiyosi xewiri: ukraina tashqi ishlar ministiri dmitro kuléba bilen engliye tashqi ishlar weziri liz trus kiyéwde axbarat élan qilish yighini ötküzdi.

kuléba ukraina, engliye we polsha otturisida yéngi üch terep ittipaqi qurulghanliqini élan qilishni sherep dep bilidighanliqini bildürüp, ittipaq xitabnamesining élan qilinidighanliqini eskertti.

u polsha bilen engliyening ukrainaning zémin pütünlükini qoghdash üchün ukraina xelqi bilen mürini mürige tirep küresh qilidighanliqini tekitlep: «polsha bilen engliye dölitimizni qoghdashta bizge yardem qilidu» dédi.

engliye tashqi ishlar weziri trus ukrainagha we énérgiye sahesidiki musteqilliqige munasiwetlik layiheler üchün sélinidighan mebleghni 100 milyon fondstérlinggha chiqiridighanliqlirini uqturdi.

u kiyéwning rusiyening urushqaqliqigha qarshi qeyserlikige  heyran qalghanliqini bildürüp: «birleshme padishahliq bolush süpitimiz bilen ukrainagha yardem qilishta aldinqi septe turushtin özimizni shereplik hés qilimiz» dédi.