rusiye terepdarlirining donbasta urush toxtitish kélishimige xilapliq qilghanliqi bildürüldi
ukraina qoralliq qisimliri, tünügün donbasning oxshimighan rayonliridiki rusiye terepdari bölgünchiler urush toxtitishqa xilapliq qildi.
türkiye awazi radiyosi xewiri: ukraina qoralliq qisimliri, tünügün donbasning oxshimighan rayonliridiki rusiye terepdari bölgünchiler urush toxtitishqa xilapliq qilip 2 ukraina eskiri bilen 2 puqrani yarilandurghanliqini uqturdi.
ukraina armiyesi bayanat élan qilip, bölgünchilerning tünügün oxshimighan rayonlarda 60 qétim urush toxtitishqa xilapliq qilghanliqini bildürdi.
bayanatta, wodyané, luganské, switlodarski, marinké, piski, adiwyiwka, shirokino qatarliq oxshimighan rayonlardiki bölgünchilerning oq chiqirip 2 ukraina eskiri bilen 2 puqrani yarilandurghanliqi eskertilgen bayanatta, kélishimge xilap bu qilmishlarning 43 ining miniski kélishimige asasen cheklengen qorallarni ishlitip sadir qilinghanliqi tekitlendi.
bölgünchilerning bügünmu boloton, chérmali, shumi, nognatowka we stargatatowka qatarliq rayonlarda urush toxtitishqa 6 qétim xilapliq qilghanliqi ilgiri sürüldi.
