җонсон вә җонсон ваксина ишләпчиқиришни вақитлиқ тохтатти
җонсон вә җонсон «Johnson and Johnson» дора ширкитиниң вухән вируси (Kovid-19) ваксинаси ишләпчиқиришни җимҗит тохтатқанлиқи илгири сүрүлди.
түркийә авази радийоси хәвири: нийу йорк таймес(NYT) ниң хәвиридә билдүрүлишичә, мәркизий америкаға җайлашқан җонсон вә җонсон ширкити, федератсийә һөкүмити вә сәһийә мәсуллириниң ваксинани тәшвиқ қилиш үчүн қилған еғир бесим сәвәбидин өткән йил (2021) ниң ахирилирида вухән вируси ваксинаси ишләпчиқиришни тохтатқан.
ширкәтниң ваксина ишләпчиқиришни тохтитишиниң, вухән вируси ваксинаси әмлитишкә тәсир көрситип-көрсәтмәйдиғанлиқи һазирчә ениқ әмәс.
ширкәткә йеқин бир кишиниң нийу йорк таймесқа ейтишичә, ваксина ишләпчиқиришни вақитлиқ тохтитиш қарариниң, бир қанчә йүз милйон шишә ваксинаниң азийишини кәлтүрүп чиқиридикән.
дунйа миқйасида ваксина тарқитиватқан органлар болса, нийу йорк таймесқа ваксина ишләпчиқириштики вақитлиқ тохташтин хәвәрсиз икәнликлирини билдүргән болсиму, бәзилири вақит мәсилисидики әндишәлирини тилға алған.
африқа иттипақи ваксина тарқитиш ишлириниң тәң һоқуқлуқ директорлиридин доктор айодә алакиҗа: «тәрәққий қиливатқан дөләтләрдики кишиләрниң һайати хәтәр астида туруватқан бүгүнки күнләр, һәр қандақ нәрсиниң ишләпчиқириш линйәлирини өзгәртишниң вақти әмәс» деди.
җонсон вә җонсон ваксинаси файзер билән модернаға охшаш икки шишә әмләнмәйдиған болуп, бир шишә әмлитиш йетәрлик һесаблиниду.
