engliye-xitay otturisida foklend aralliri ziddiyiti chongqurlishishqa bashlidi

türkiye awazi radiyosi xewiri:  xitay reisi shi jinping argéntina bash ministiri albérto fernandéz bilen béyjingda körüshti.

u foklend arallirining igilik hoquqi mesiliside argéntinani qollap, engliyedin arallarning kontrolluqini argéntinagha qayturup bérishni telep qildi.

engliye tashqi ishlar weziri liz trus twittérda shining bayanatigha derhal jawab qayturup: «foklendning igilik hoquqigha munasiwetlik her türlük munazirelerni pütünley ret qilimiz. foklend engliye ailisining bir parchisi we ularning öz teqdirini özi belgilesh hoquqigha hörmet qilimiz. xitay foklendning igilik hoquqigha hörmet qilishi kérek» dédi.

argéntina bash ministiri albérto fernandéz xitayning teywenge bolghan igilik hoquqini étirap qilidighanliqlirini jakarlidi.

foklend arallirining igilik hoquqi mesilisi, engliye bilen argéntina otturisidiki ziddiyetlerning dawamlishishigha seweb bolmaqta.

argéntina «malwinas» dep ataydighan foklend aralliri 1982-yili engliye teripidin bésiwélinghandin kéyin, ikki dölet urushqa kirgen idi. urush engliyening ghelbisi bilen axirlashqan idi.

xitay hökümiti «bir xitay» siyasitini tekitlep, xelqara jemiyette xitaygha peqet öziningla wekillik qilidighanliqini ilgiri süridu.

xitay yene, teywenning her qaysi döletler bilen musteqil diplomatik munasiwet ornitishigha, b d t we bashqa xelqaraliq teshkilatlarda wekillik qilishigha qarshi chiqmaqta.