zélénskiy bilen engliye bash weziri jonson körüshti
ukraina pirézidénti wladimir zélénskiy (Vladimir Zelenskiy) rusiyening herbiy qisimlirini dölitining chégraliridin chékindürüshi kéreklikini tekitlidi.
türkiye awazi radiyosi xewiri: ukraina pirézidénti wladimir zélénskiy engliye bash weziri boris jonson bilen kiyéwde körüshti we birlikte axbarat élan qilish yighini ötküzdi.
u ukrainaning sherqiy mesilisi üstide toxtilip, bu kélishimlerde «mesuliyetchan pozitsiyeni namayan qilghanliqlirini» eskertti.
u rusiye bilen mezkur kélishimlerni ijra qilish mesiliside oxshimighan qarashlargha ige ikenlikliridin bésharet berdi.
u mundaq dédi:
«bu kélishimlerning bezi maddilirini anche yaqturup ketmeymen. minsk kélishimliridiki maddilarni ijra qilish nöwitige munasiwetlik oxshimighan pozitsiyeni namayan qiliwatimiz. biraq, zéminimizni ishghaldin qutquzushni kapaletke ige qilidighan we dölitimizni her qandaq shekilde qoghdaydighan qedemlerni tashlishimiz kérek.»
u donbasta jiddiychilikning éshish éhtimali üstide toxtilip: «ukraina küchlük armiyege ige bolushi kérek. bu ehwalda peqet özimizgila ishinishimiz we nachar sheyiyler üchün teyyar turushimiz kérek. barliq ittipaqlargha qarimastin buni qilishimiz kérek. rusiye ukraina chégrasida texminen 100 ming esker yighdi. rusiyening eskerlirini chégramizdin chékindürüshini kütüwatimiz. bu nahayiti muhim. rusiyening jiddiychilikni téximu keskinleshtürüp-keskinleshtürmeydighanliqi heqqidiki soalgha bérilidighan birdinbir toghra jawab. jiddiychilik téximu ulghayghan ehwalda rusiyege qarshi émbargolar ijra qilinishi kérek» dédi.
engliye bash weziri boris jonson rusiyening ukrainani téximu köp ishghal qilishining, «siyasiy we insaniy apet» bolidighanliqini eskertip, rusiyening chékinishi we bir diplomatiye yolini tallishining hayatiy ehmiyetke ikenlikini qeyt qildi.
u: «bashqa döletler bilen birlikte, rusiye ukrainagha tajawuz qilghan ehwalda yolgha qoyulidighan émbargo pilanlirini we munasiwetlik tedbirlerni teyyarlawatimiz» dédi.
u mezkur qedemlerning, engliyening her daim rusiyening urushqaqliqigha qarshi ukrainaning igilik hoquqini qoghdaydighanliqining körsetküchi ikenlikini alahide tekitlep: «rusiyening chékinishi we bir diplomatiye yolini tallishi hayatiy ehmiyetke ige. buning hazirmu mumkin ikenlikige ishinimen» dédi.
u engliyede ukraina chégrasida yüz bériwatqan weqeler mesiliside, chong endishelerning barliqini bildürüp: «putinning toqunush yolidin chékinishini we diyalogda bolushimizni ümid qilimen. engliye otturigha qoymaqchi bolghan nerse bu. shunga, bu yerde turuwatimen» dédi.
