blinkén: rusiye eskerlirini chékindürüshi kérek

türkiye awazi radiyosi xewiri: amérika tashqi ishlar ministiri antoni blinkén bilen rusiye tashqi ishlar ministiri sérgéy lawrowning ukraina kirizisini muzakire qilghan yighin, shiwéytsariye paytexti jenwede ötküzüldi.

amérika tashqi ishlar ministiri antoni blinkén yighindin kéyin, bayanat élan qilip: «lawrow bilen uchrishishimiz muzakire emes, belki chin köngüldin özara pikir almashturush idi. bizning meqsitimiz rusiyening diplomatiye tereptimu yaki emesmu uni chüshinish idi. rusiyening aldida ikki yol bar. ya diplomatiye yolini tallaydu, yaki bolmisa toqunushni tallaydu. ukrainagha hujum qilinghan ehwalda rusiyening derhal jawabqa érishidighanliqini rusiyege yetküzduq. ukrainagha hujumlar köpeyse bedili intayin éghir bolidu. kéyinki qedemler rusiyening pozitsiyesige asasen bolidu. rusiye hujum qilsa, ukrainani qollaymiz» dédi.

u rusiyening ukraina chégrasidiki eskerlirini chékindürüshi kéreklikini tekitlidi.

rusiye tashqi ishlar ministiri lawrow: «amérikaliq kesipdashlirimiz, rusiye bilen ukraina otturisidiki chégra mesilisini qayta aldinqi orungha chiqirishqa we hemme nersini namda jiddiychilikni peseytish kéreklikini shertlendürüshke tirishti. bu sihirlik tüske kirdi. emma, uchrishishni kéler hepte tekliplirimizge yazma jawab bérilishi toghrisida pikir birlikige kélish bilen axirlashturduq» dédi.

lawrow rusiyening ukrainagha hujumm qilip-qilmaydighanliqi heqqidiki soalgha: «ukrainagha hujum qilish niyitimiz barliqini ilgiri sürüwatisler. del eksiche, undaq emeslikini nechche qétim éyttuq» dep jawab berdi.

u ukraina xelqige héchqachan tehdit salmighanliqlirini bildürüp: «gherbtiki kesipdashlirimizning hazirqi hewisi ukrainaning donbasta küch ishlitishke küshkürtchilik qilish toghrisida bolmisimu, peqet bolmidi dégende, kiyéw hökümitining minsk kélishimlirige buzghunchiliq qilishini yoshurush yüzlinishige ige» dédi.

lawrow amérikagha ukrainani minsk kélishimlirini ijra qilishigha tesir körsitishke chaqirghan idi.