kuweytte kündilik turmush palech ehwalgha chüshüp qaldi
kuweytte shiddetlik yaghqan yamghur sewebidin kündilik turmush palech ehwalgha chüshüp qaldi. dölet miqyasida oqu-oqutush ishliri waqitliq toxtitildi.
türkiye awazi radiyosi xewiri: kuweytte hepte axiri yaghqan shiddetlik yamghur sewebidin kündilik turmush palech ehwalgha chüshüp qaldi.
kuweytning köpligen jaylirida yollarni su bésip ketti, qatnash tosulup qaldi we nurghun aptomobillar su astida qaldi.
kuweyt métérologiye idarisining bayanatigha asaslanghanda, döletning bezi rayonlirida saetlik tézliki 50 kilométirgha yétidighan boran chiqqan.
kuweyt ichki ishlar ministirliqining kelkün toghrisidiki bayanatida, xelqning zörür bolmighanda öyliridin sirtqa chiqmasliqi telep qilindi.
kuweyt maarip ministirliqi hepte axiri shiddetlik yaghqan yamghur sewebidin barliq mektep uniwérstétlarda oqushning waqitliq toxtitilghanliqini élan qildi.
ottura we toluq ottura mekteplerde bügün (2022-yili 3-yanwar) bashlinidighan imtihanlarning kéchiktürülgenliki we mekteplerge mewsumluq imtihanlar üchün ayrim waqit ajritilidighanliqi qeyt qilindi.
