iran süniy hemrahni orbitigha kirgüzelmidi
iran tünügün alem boshluqigha qoyup bergen süniy hemrah toshughuchi rakéta yéterlik süretke yételmigechke, 3 tetqiqat üskünisining orbitigha kirelmigenlikini bildürdi.
türkiye awazi radiyosi xewiri: iran dölet mudapie ministirliqi bayanatchisi ehmed hüseyin, döletlik téléwiziye qaniligha bergen bayanatida, tünügün alem boshluqigha qoyup bérilgen «simurg» namliq süniy hemrah toshughuchi rakéta yéterlik süretke yételmigechke, 3 tetqiqat üskünisining orbitigha kirelmigenlikini tekitlep mundaq dédi: «rakétaning özi toshughan yükini orbitigha kirgüzüsh üchün sékuntigha 7600 métirdin artuq süretke yétishi kérek, emma biz sékuntigha 7350 métirgha yételiduq.»
iran, döletning ottura qismigha jaylashqan simnan ölkisidiki imam humeyni alem boshluqi bazisidin süniy hemrah toshughuchi simurg rakétasi arqiliq alem boshluqigha 3 tetqiqat üskünisini qoyup bergenlikini uqturghanidi.
iranning süniy hemrahni orbitigha kirgüzüsh teshebbusliri ilgirimu birqanche qétim meghlup bolghanidi.
مۇناسىۋەتلىك خەۋەرلەر
afghanistandiki kelkün apitide qaza qilghanlarning sani 300 din ashti
afghanistanning baghlan wilayitide yüz bergen kelkün apitide qaza qilghanlarning sani 300 din ashti.
