élon mask xitayning orunsiz eyibleshlirige jawab qayturdi
alem boshluqi téxnika shirkiti «SpaceX» ning yuqiri derijilik bashqurghuchisi élon mask alem boshluqida milyardlighan süniy hemrah üchün yéterlik orun barliqini éytti.
türkiye awazi radiyosi xewiri: starlink süniy hemrahliri sewebidin xitayning alem ponkitini xewpke éttirish bilen eyiblengen élon mask xitayning eyibleshlirige jawab qayturdi.
élun mask «pul-muamile waqit géziti» ning ziyaritini qobul qilip, «SpaceX» we Starlink süniy hemrahliri yershari orbitisida bek köp boshluqni igiliwaldi, dégen orunsiz eyibleshlerni ret qildi.
élun mask: «alem boshluqi intayin chong, suniy hemrahlar bek kichik. bu yerde biz bashqilargha tesir körsetküdek derijide tosqunluq qilghan ish yoq. biz héchkimning bir ish qilishini tosup baqmiduq, tosup qilishnimu mölcherlimeymiz» dédi.
«SpaceX» hazirgha qeder 2000 gha yéqin «Starlink» süniy hemrahini orbitigha ewetti, bu shirket süniy hemrahlar arqiliq intérnét torini pütün dunyagha yetküzüsh üchün jemiy 40 mingdin artuq süniy hemrah qoyup bérishni pilanlimaqta.
xitay b d t alem qatnishi idarisige élon mask üstidin shikayet qilip, starlink layihesi üchün orbitigha ewetilgen süniy hemrahlirining xitayning alem ponkitigha xeter élip kélidighanliqini dawa qilghan idi.
xitay dölet alem ponkitining starlink süniy hemrahliri bilen ikki qétim «yéqindin udul kélip qalghanliqini» we hadise yüz bérip qilishning aldini élish üchün burulushqa mejbur bolghanliqini élan qilghan idi.
xitayning bu ay birleshken döletler teshkilati alem qatnishi ishxanisigha tapshurghan shikayetnamisida, mezkur weqelerning 1-iyul we 21-öktebirde yüz bergenliki ilgiri sürülgen idi.
