donbasta bir ukraina eskiri jénidin ayrildi
ukrainaning sherqidiki donbas rayonida tünügün (2021-yili 16-dékabir) rusiyeperes bölgünchilerning oq chiqirishi netijiside, bir ukraina eskiri jénidin ayrildi, bir esker yarilandi.
türkiye awazi radiyosi xewiri: ukraina armiyesi tünügün bölgünchilerning besh qétim urush toxtitishqa xilapliq qilghanliqi toghrisida bayanat élan qildi.
bayanatta, bölgünchilerning oq chiqirishi netijiside, bir eskerning jénidin ayrilip, bir eskerning yarilanghanliqi qeyt qilindi.
ukraina paytexti kiyéwde 2013-yili 21-noyabir eyni waqittiki pirézidént wiktor yanukowichning yawropa ittipaqi shériklik kélishimini imzalimasliqi sewebidin namayishlar partlighan idi.
sabiq pirézidént yanukowich namayishlarning zoriyishi sewebidin 2014-yili féwralda ukrainadin qéchip ketken idi. buning bilen, donbas rayonining donétsk we lugansk sheherliridiki rusiyeperesler namda musteqilliqini élan qilghan idi.
bölgünchiler bilen kiyéw hökümiti otturisida 2014 –yildin tartip dawamlishiwatqan toqunushlarda 13 mingdin artuq adem jénidin ayrildi.
