iran yadro söhbetliri toghrisida bayanat élan qildi

türkiye awazi radiyosi xewiri:  iran muawin tashqi ishlar ministiri we bash muzakirechi eli bakiri awstiriye paytexti wiyénnada ötküzülüwatqan yadro söhbetliride, terepler bir-birige özara yol qoyghan ehwalda muhim ilgirileshlerning qolgha keltürülidighanliqini bildürdi.

bayanatta, eli bakiri yadro söhbetlirining hem mutexessisler hemde yuqiri derijilik muzakirechilerning qatnishishi astida jiddiy türde dawamlishiwatqanliqini bildürüp, özining engliye, firansiye, gérmaniye, rusiye, xitay we yawropa ittipaqining heyet bashliqliri bilen özara pikir almashturghanliqini qeyt qildi.

u: «mutexessisler kélishim layihesi üstide xizmetlirini dawamlashturuwatidu. yéqinqi bir qanche kündiki ilgirileshler, hemme semimiy halda bir-birige yol qoyghan ehwalda ilgirilesh mumkin bolidu» dédi.

iran yadro kélishimini qaytidin toluq menide ijra qilishni kapaletke ige qilish we amérikaning kélishimge qaytishi muzakire qiliniwatqan uchrishishlar, aridin texminen besh ay ötkendin kéyin, 2021-yili 29-noyabirda yawropa ittipaqi tashqi siyasetler muawin bash katibi we siyasiy diréktori énriku mora (Enrique Mora) ning bashchiliqida, rusiye, gérmaniye, firansiye, engliye we iran qatarliq döletlerning yuqiri derijilik emeldarlirining qatnishishi astida awstiriye payteiti wiyénnada bashlanghan idi.

tereplerning kélishelmesliki sewebidin texminen bir hepte toxtitip qoyulghan söhbetler, 2021-yili 9-dékabir qaytidin bashlanghan idi.

iran we yawropaliq diplomatlar ötken hepte ötküzülgen söhbetlerning ijabiy bolghanliqini bildürgen idi.