dunya sehiye teshkilati wabaning 2022-yilda axirlishidighanliqini ilgiri sürdi

türkiye awazi radiyosi xewiri:  dunya sehiye teshkilatining wuxen wirusi téxnik heyet bashliqi mariya wan kérxow omikron wariyanti toghrisidiki soallargha jawab berdi.

u: «2022-yilning wuxen wirusining yoqilish yili bolidighanliqigha intayin ümidwarmen» dédi.

u omikron wariyantining oxshimighan nopuslarda qandaq tarqalghanliqi, wirusqa munasiwetlik weqelerde wariyantqa qarshi qandaq oxshimighan immunitét sistémisi körülgenliki qatarliq mesililerni burunqi wariyantlargha sélishturup tetqiq qilghanliqlirini qeyt qildi.

u wabaning tesirini, ölüm sanini we doxturxanida yétip dawalinish nisbitini töwenlitish üchün, qollirida köp imkaniyetlerning barliqini eskertti.

yawropa késelliklerning aldini élish we kontrol qilish merkizi (ECDC) wuxen wirusi omikron wariyantining 2022-yilning deslepki ikki éyida yawropa qiteside eng xeterlik wariyant bolidighanliqining texmin qiliniwatqanliqini élan qildi.

mezkur merkezning doklatida, omikron wariyantining kelgüsi bir qanche ay ichide yawropa döletliride «intayin téz» tarqilishi mumkinliki bildürüldi.

merkezning diréktori andréya ammon (Andrea Ammon): «omikronning ölümlerni we doxturxanida yétip dawalinidighanlarning sanini köpeytidighanliqi nahayiti yuqiri éhtimalliq, dep qaralmaqta» dédi.

dunya sehiye teshkilatining diréktori tédros adxanom ghébréyésus (Tedros Adhanom Ghebreyesus) omikron wariyantining dunyada 77 dölette bayqalghanliqini, emeliyette bu sanning téximu köp bolushi mumkinlikini éytqan idi.

yawropadiki nurghun döletlerde noyabir (2021) éyining axirida omikron wariyantining bayqilishi bilen, wirusning aldini élish tedbirlirini kücheytken idi.