amérika israiliyeni agahlandurdi
amérika qoshma ishtatliri yehudiy köchmenlerning pelestinliklerge qarita zorawanliq heriketliri toghrisida israiliyeni agahlandurdi.
türkiye awazi radiyosi xewiri: amérika qoshma ishtatliri muawin tashqi ishlar ministiri wiktoriye nuland, israiliye jamaet xewpsizlik ishliri ministiri ömer barléw bilen körüshkende, bolupmu iyordan deryasining gherbiy qirghiqidiki qanunsiz yehudiy köchmenlerning pelestinliklerge qaritilghan zorawanliq heriketlirini küntertipke élip keldi.
israiliyediki saqchi ishliri mesuli barléw, ammiwi ortaqlishish tor bétidiki sehipiside, amérika qoshma ishtatliri muawin tashqi ishlar ministiri wiktoriye nuland bilen élip barghan uchrishishi heqqide élan qilghan bayanatida, uchrishishta, nulandning, «yehudiy köchmenlerning zorawanliq heriketliri, rayonluq sürkilishning azaytilishi we pelestin hökümitining kücheytilishi» qatarliq témilargha köngül bölgenlikini eskertish bilen bir waqitta, iyordan deryasining gherbiy qirghiqi we ghezzede yashawatqan pelestinliklerning israiliyede téximu köp ishlishige ruxset qilishining, rayonluq sürkilishni azaytishning achquchluq amili ikenlikini, amérika qoshma ishtatlirining ghezzening sirtida ortaq sanaet rayoni qurush qatarliq layihelerni qollishining nahayiti zor ehmiyetke ige ikenlikini tekitlidi.
amérika qoshma ishtatliri hökümiti, qanunsiz yehudiy köchmenlerning zorawanliq heriketliri heqqide inkas qayturushtin özini qachurush bilen bir waqitta, öktebirde, iyordan deryasining gherbiy qirghiqidiki elxelil shehiridiki qanunsiz yehudiy köchmenlerning pelestinliklerge qaratqan hujumini eyiblep bayanat élan qilghanidi.
