yawropadiki 15 dölet jemiy 40 afghan musapirni qobul qilidu
yawropa ittipaqi komitétining ichki ishlargha mesul ezasi ylwa yohanson, yawropa ittipaqigha eza 15 döletning jemiy 40 ming afghanistanliq musapirni qobul qilidighanliqini uqturdi.
1745627
türkiye awazi radiyosi xewiri: yohanson yawropa ittipaqining edliye we ichki ishlar ministirliri yighinidin kéyin ötküzgen muxbirlarni kütüwélish yighinida, bu qararning kishini tesirlendüridighan hemkarliq misali ikenlikini éytti.
«bu yene qanunsiz köchmenlerni tizginlesh we yawropa ittipaqigha qanunluq kirishke meblegh sélishning bir qedimi». dégen yohanson, jemiy 40 ming afghanistanliq musapirni qobul qilidighan 15 eza döletning qayslar ikenliki toghrisida melumat bermidi.
yohanson yawropa ittipaqining yéngi köchmenler tüzümidiki éléméntlarning biri bolghan «mejburiy hemkarliq méxanizmi»ni tilgha élip: «biz buning eza döletlerning küchi we chong – kichiklikige qarap töhpe qoshushini asas qilidighan bir méxanizm bolushini tewsiye qilimiz. bu dairide köchmenlerni qobul qilish shert emes, emma küchi we chong – kichiklikige qarap töhpe qoshush shert» dégenlerni qeyt qildi.
ylwa yohanson, yil béshida yawropa ittipaqi kéngishining nöwetchi bashliqliq wezipisini silowéniyedin ötküzüwalidighan firansiyening, bu méxanizimni yolgha qoyush iradisining küchlük ikenlikini bildürdi.
مۇناسىۋەتلىك خەۋەرلەر
