yawropa ittipaqi: israiliye tinchliq ümidlirige buzghunchiliq qilmaqta

türkiye awazi radiyosi xewiri: yawropa ittipaqining quddusta turushluq ishxanisining ammiwi ortaqlishish tor béti Twitter sehipiside élan qilinghan bayanatta, israiliyening quddus, elxelil, ramallah we nablus rayonlirida seyshenbe küni pelestinliklerge ait öy – makan, ambar we qurulushi dawamlishiwatqan bina – ish orunlirini chéqiwetkenliki, bir künlük chéqish sewebidin, 15 balini öz ichige alghan 22 pelestinlikning öy – makansiz qalghanliqi  eskertilish bilen bir waqitta, israiliye, pelestinliklerni zorluq bilen öy-makanliridin qoghlap chiqirishtek  qanunsiz qilmish we chéqishni toxtitishqa chaqiriq qilindi.

pelestinliklerning öy – makanliri we ish orunlirini chéqish we musadire qilish qilmishlirining 2021-yilining aldinqi 9 éyida, aldinqi yilining oxshash mezgilige sélishturghanda% 21 ashqanliqi eskertilgen bayanatta,  buning netijiside, zorluq bilen öy – makanliridin qoghlap chiqiriliwatqan pelestinlikler sanida % 28 éshish körülgenliki, pelestinliklerning öy – makanliri we ish orunlirining israiliye dairiliri teripidin chéqilishining xelqara qanungha xilap ikenliki we buning tinchliq ümidlirige buzghunchiliq qiliwatqanliqi tekitlendi.